2013年的大事當然係Ar BE成為我地家庭的一份子啦～～佢係12月17日生日GA～～
同小豆一樣，都係比預產期早左一個星期出世，都係見紅先，所以我仲可以他他條條洗頭沖涼坐多陣先去醫院～ ：）詳情唔多講，兩胎都係順產，第二胎我自己覺得痛過第一胎，不過就快D，開到三度入產房，一個鐘多D就生左啦～
湊Newborn開頭辛苦就一定ga la...但係宜家又要湊住小豆，要照顧埋佢ge情緒。。。小豆其實好鍾意細佬，有其他人抱細佬佢都會想我抱番，驚其他人帶走細佬。。。但係始終我成日都要埋身餵細佬或者抱細佬，由第二個禮拜開始我覺得小豆奀皮左好多，細佬食奶佢又要食，唔肯食飯.... 宜家唯有有時泵奶出黎俾爸爸餵，我就同佢玩下，好似又好D....
希望小豆快D唔好呷醋啦～～
恭喜晒ar be 出左世喇﹗我都聽好多朋友講生第二個之後第一個就頑皮好多，但慢慢適應左就冇事，希望小豆慢慢會明白啦﹗加油呀﹗
回覆刪除Tks ar!!!
刪除恭喜呀﹗小豆慢慢會習慣多個細佬，咁佢就唔會呷醋㗎啦﹗不過我個醫生教第二胎媽媽返屋企，真係除咗餵奶之外唔好理個細，其餘時間畀晒個大來等佢安心
回覆刪除tks tks!! 我都有抽時間同小豆講故事同玩 ga la.... 不過你都知初生要密密餵，細佬開頭又要黃，要番醫院照燈，真係超累，希望遲D好D啦～
刪除btw, 我睇你D相，燒腩仔大個左好多呀～
刪除congrats！！ your pic look very sweet..... enjoy your sit month
回覆刪除恭喜晒啊, 出左世啦~~~
回覆刪除恭喜呀~~~
回覆刪除恭喜哂，小豆好錫細佬仔喎。。。湊newborn 又真係好辛苦，我地都要加油呀
回覆刪除恭喜呀~一個好字呀~
回覆刪除我覺得第一個生囡係好D, 因為囡真係會幫手照顧細佬妹, 哈哈~
恭喜晒呀！其實小豆已經好懂事啦，始終仲細有時難掩呷醋情緒，不過只要時間分配都好，小豆仍然係錫細佬呢。
回覆刪除啲相好sweet呀，小豆一定會好錫同照顧細佬架！
恭喜晒！兩姐弟真開心！
回覆刪除