interview 妙答

呢排大家都忙於interview... 小豆學校就話未必一定直升，要校內assessment 過先。所以我都有幫佢報左3間（但係o個D學校都好多人報，其實都算不上要黎做backup... =_=|||)... 其中一間小豆上年都有報N班，不過只得pm offer, 所以無要到。。。今年都係好似上年一樣有3 part，group in, individual in, 同家長填問卷。

其中individual  o個 part 有4 個小朋友，老師問小豆邊個短頭髮女仔係開心ga? (都幾複雜，因為要小朋友好留心）
小豆攞完之後。。
老師：點解個小朋友開心ge??
小豆： 我唔知。。。（=_=|||.... hea 答）
老師：咁你幾時開心ga??
小豆： o係屋企
老師：o係屋企做咩會開心ga?
小豆： 玩玩具
老師：玩咩玩具呀？
小豆： 煮飯仔
老師：煮D咩食呀？
小豆： 菇菇 （佢真係好鍾意食菇，餐餐都問有無菇菇食。。XDDD)



之後攞左個唔開心公仔
老師：點解個小朋友唔開心ge??
小豆： 我唔知。。。（=_=|||.... 又hea 答）
老師：咁你幾時唔開心呀?? （老師真有耐性。。。）
小豆： 無。成日都好開心。。

老師唯有叫佢做第二個task... 叫佢指隻綠細水杯。。。
老師：除左水之外，你仲鍾意飲咩ga??
小豆： 水。。。(=_="""""""""""")
老師：咁果汁呢？？
小豆擰頭。。。（明明平時都鍾意飲。。）
老師：咁媽媽鍾意飲咩？
小豆（堅定mode)： 熱奶茶～（真知我心意。。。hahaha）
老師（笑）：係呀，我都鍾意飲熱奶茶wor.. 咁爸爸鍾意飲咩呀？
小豆諗左十幾廿秒，我同老師都等佢答。。。
小豆： 都係熱奶茶～
老師：哦，咁你有無飲過呀？
小豆： 無～我淨係飲水水ga ja~~ :)

無限loop....

家中兩個小朋友加埋病左差不多一個月啦。。。

十月中的某個星期天，小豆有D鼻水，睇完醫生第二日就到細佬發燒。細佬燒下退下搞左好幾日都唔好，轉過醫生，最後都係要去趙醫生度先掂，原來細佬中耳炎。o係細佬病緊的同時，小豆的鼻水變左綠色鼻涕，成個禮拜無返學。好返少少一返學又黎過，都最又要轉左兩個醫生先好返。正當以為無事啦，尋日返返下學老師打黎話佢發燒39度，拿拿聲帶佢睇醫生，原來喉嚨發炎。。求神拜佛唔好傳染細佬～～

一個月內，小豆食左三次抗生素，細佬兩次啦。。>.<

原本諗住俾小豆食manuka honey增強抵抗力,  又要等佢好番後先開始啦。。。仲有咩其他方法可以增強抵抗力呀。。

戒片大作戰之三

其實之前幫小豆戒左日間片我都覺得算好成功ga la...夜晚就照幫佢著學習褲等大家都訓得安樂D，我唔駛心掛掛驚佢訓訓下瀨尿。。。不過前幾晚開始，我諗住同小豆臨訓前wee完一次之後著褲仔，點知佢同我講 「Miss Lee話我地大個唔駛著片啦」，唔肯著，咁我就由得佢啦。（咁事實我又唔係真係咁大膽，之前有幾次小豆訓著左，費事著褲仔整醒佢，所以求其攞細佬條片包o係出面，到第二朝又無濕wor),  試左幾日都好成功。。。就係咁，夜晚片片都戒埋。。。你話呀，人地講一句好過我地講十句～hahaha

宜家就淨返出街片要戒，因為我仲係擔心佢搭搭下車要去，一時之間未去得切就麻煩。。。睇下我幾時先打破呢個心理關口～

經過小豆的經驗，令我覺得當小朋友身心都ready的時候，要戒片其實唔難。反而如果過早俾壓力佢地可能會有反效果～～


購自深水埗的frozen 睡裙$22.。。小豆超開心，宜家日日都話要著，睇黎要買多條俾佢...

我其實有個仔ga....

哈哈哈。。。。因為好似成日都淨係寫關於小豆咁，所以提提大家其實小豆有個細佬ga~~

我見blogger們都會update BB的成長記錄，但係湊住兩個的我真係有D懶～～ ：）

話咁快丫be 就8個幾月，時間過得好似好快，又好似好慢咁（因為佢開頭成日喊，簡直渡日如年呀～）

體重
上個月唔舒服睇醫生時大概19磅
望落去面仔有D肉，但係手腳無家姐細個時咁肥美～

飲食模式

三奶（6至8安，睇心情）

兩固 （粥仔食到大人碗一整碗，餵佢又肯食wor, 有時都驚餵得太多）

小食 － 果蓉，白面包

丫be 基本上係一個好為食的BB。我地食野佢又會嗌要食，香蕉俾半隻佢食會嫌唔夠喉，白面包密密食可以無停口的。。。但係唔鍾意飲水，用奶樽，飲管杯餵水會唔肯飲。。。唯有用匙黎餵，飲得幾多得幾多。。。

作息時間
算好好，一覺訓天光，通常夜晚9點幾訓，7點多起身。。。

不過晏覺有時唔係訓好耐，幾個字至一個鐘。。。家姐唔o係度嘈住就好少少～

肢體發展

根據小豆經驗，7個月至8個月時的發展係最快，突然識得好多野。。。

丫be呢一個月內學識自己由訓低到坐起身，係咁爬....

- 超活躍，無時停。。。 仲鍾意搞電制，睇少一陣都唔得。。。

- 好鍾意聽歌，一有音樂就係咁UN~~~

- 可以單手扶住企,  係時候要教佢落梳化，起碼爬左上去識落黎，無咁易跌C。。。
－ 小肌肉。。。可以自己攞到星星餅，但係死都唔肯放入口感（明明係鍾意食ga wor... =_=)

語言及指令

多左自己講野，唔知講D mud....

Baba, Mama,  MumMum

最叻係我地講「好野～」，佢會識得拍手

講「BYEBYE～」，就一時時啦

講「gimme give～」, 佢就只係舉起只手等我地拍埋去～

Blog blog BB gathering @ 黃埔playhouse

 多謝playhouse 同小檬媽的邀請，上個星期日終於第一次去playhouse 玩。平時去聚寶坊都係去樓下睇下玩具多，都唔知原來有playhouse～～...

紅磡黃埔Playhouse
地址： 香港九龍紅磡黃埔花園第十一期聚寶坊商場地下G28-31號舖
電話：(852) 2330-3567
營業時間：上午10時至晚上9時
網址： playhouse@whampoa

原本一家四口一齊去ga ma, 因為我老公臨時唔得閒，又一早應承左小豆，唯有一拖二去啦～

一去到見到門口D滑梯ssss，小豆已經好興奮，未打得切招呼，佢已經唔知行左去邊。。。再見埋個波波池，就變左隻甩繩馬騮～ 嗱嗱聲捉佢入去party room 放低D野先～

間房好colourful呀～

呢期影相除左鍾意"V"，仲好鍾意happy face... 因為學校老師成日都叫佢 happy face~~

 自由活動時間。。。。我抱住細佬都唔理得佢咁多啦～～
   

肚B好似滿懷心事咁望住個波波池～

四個又坐得幾定咁wor~~

細佬全程都攞住兩個波～～

玩完波波池又走去玩車仔，有好多唔同款呀～

之後入去影大合照～

細佬：我送個波波俾你，你坐我隔離呀～～

今次影大合照係超成功，全靠媽媽們的歌聲～

是日景點：肥妹豬~~

因為之後有野做，所以要早走，都無得同其他媽媽認真傾下計～或者可以諗下搞個媽媽gathering~~

臨走都仲要去波波池玩多陣。。。小豆係飛身插水式咁入去波波池，隔離個爸爸見到佢咁都忍唔住"嘩"左出黎.... =_=

開開心心上學去～

話說小豆返學第二日就病，第一星期只係返左三日學（仲要搞到成家都病左）。到第二個星期就唔可以陪啦，第一天未踏入課室就已經見到校長企左o係小豆課室門外，仲要關上門。後來聽返D家長講，原來我地課室情況幾惡劣，有人喊到嘔，有人要衝出門口， haha.... 小豆自己入課室時都OK，但係放學時佢就話自己喊左少少，話我要媽媽wor.... 老師就話唔係喊左好耐。不過放學後流鼻涕情況嚴重，所以星期二三都無返學。
到星期四再返學，搭車時仲好正常，但係入課室時就有少少喊話要我陪。不過我放低佢，bye bye 後即閃，交俾老師啦。。。放學後見佢已收聲，老師話佢喊到茶點都無食，同埋因為啱啱病完，話佢應該會喊多幾日....
原本我同老公都覺得小豆返學係唔會喊，點知都係有喊 。。

學校之前話初期可以俾小朋友帶一件心愛的玩具返學校，所以第二日我俾小豆帶左隻最鍾意的羊羊公仔返學。搭車途中又係正常的，點知臨落車係咁話「我好肚餓呀，返屋企煮飯俾我食呀」（明明食飽先出門口的，講到自己好似好陰公咁。。。），連俾佢攬住羊羊都唔肯。上到課室喊住交俾老師後又即閃，因為老師話太多的糾纏只會令佢地更唔捨得。接放學時又無喊lu...

學校逢星期五會派手冊，今個星期佢有提我地在家應多D同小朋友講，例如：媽媽好錫你架，放學一定會黎接你架； 老師都好錫你架wor, 好似媽媽一樣，有咩野都可以話俾老師知～
之前老師都有分享過佢地初期喊可能係因為不安，在一個陌生的環境，媽媽又唔係身邊，究竟佢會唔會黎接我呢？又可能係平時o係屋企幾free, 想食想玩想去廁所話黎就黎啦，但係返到學校咁多規矩，食個茶點又要tea time song，去廁所又要排隊一齊去，可能佢地會覺得唔如意，所以就喊。。。所以要多D 同佢傾下，瞭解下係咩原因喊。

原本諗住過左個weekend,小豆返學可能又喊過，但係反而又無野wor, 入課室bye bye 後都無喊，到放學見到我仲好開心tim~~ 佢有時會講，食完茶點媽媽真係黎帶我wor .... 唔知係咪因為老師咁同佢講呢。。。
返屋企玩煮飯仔，煮完仲問駛唔駛唱tea time song 先食呀。。哈哈。。

(翻譯:
Tea time tea time fun fun fun
Food and drink for everyone

May I have my tea time please?
yes, you may)

hahaha XDDDD


到星期二，我話唔好帶羊羊返學啦，交俾細佬照顧住佢啦，又ok wor.. 希望可以keep住啦～～

題外話，學校洗手間D姐姐都幾有心機幫＆教小朋友自己如廁，洗手。。。小豆宜家成日話「阿芳姐教我唔好痴咁埋洗手，唔係整濕晒件衫啦」... 仲有平時洗完手一係我就嗱嗱聲幫佢抺，一係由得佢求其抺 （汗。。:P) 。但係姐姐好有耐性咁教識佢要抺完手掌抺手背～～
再題外話，小豆戒片已經成功lu... 返學都唔駛著片啦，係唯一一次去party 玩得太開心唔記得就瀨左lor.... :)

報K1學生相

其實如果小豆讀得開心，我呢個懶媽媽真係想抖下唔報其他學校的K1。。。奈何小豆PN班唔 guarantee 全部直升，咁即係我一定要做野啦，如果唔係就無書讀啦。。。

雖然啱啱先影完學生相，但係報其他學校的K1，費事用著校服的學生相啦。。。所以都係去返之前影開o個度影。。。
原本只係二選一，諗住要上面正經D o個張，但係其實我自己係鍾意下面sweet D.... 搞黎搞去，為免自己後悔，都係要o徒多左$＄，要晒兩張，睇下apply  咩類型學校用邊張啦...
你地又覺得邊張好D 呢？

開學了～

八月十一日小豆開始踏入人生另一階段，終於開學啦～～黎緊我同佢都會有好多個第一次呀～
頭兩個星期每日都係返一個鐘，同埋將一班分成兩GROUP 上，等老師可以照顧好D先同埋小朋友可以習慣下先～

第一次返學，小豆都好興奮。之前特登執左個櫃桶仔俾佢，同佢講返學的底衫，底褲仔，襪都係放o個度的。臨返學前個weekend,因為已經攞左書包，佢得閒就揹晒書包，自己去櫃桶攞襪著襪著鞋扮返學 ：）

星期一一起身（風雨不改，8點前就起身），小豆就問係咪返學呀，不過頭兩個星期我地返第二group (11-12點），所以換校服前佢都問左好幾次返學未呀？？ ：）

出發lu~~ 幾得戚（唔知邊度學返黎，成日影相都V）

第一次搭校車，小豆好好奇又好開心咁，因為佢自己一個人坐，我就坐佢後面。全程車佢都坐定定，雙手扶實扶手，無搞安全帶。希望趁8月我可以陪佢搭車教好佢，等佢第時自己搭車我都安心少少～

入課室開頭都OK的，不過過左一半之後，唔知係眼訓定見到有D小朋友又走黎走去，佢聽聽下故事又走過黎坐唔定。。。搞到老師都要話下佢。。話咁快一個鐘就過，臨走前老師提大家氹小朋友時要小心用詞，千祈唔好話“老師鬧ga" ，要慢慢氹～ 

第二日～

仲早過尋日起身，我都心諗死梗啦，返學又眼訓又會忸忸計計。。。

今日開始要佢地熟悉學校的規矩，書包放邊，換完鞋放邊等等。好彩今日有得o係playground 玩，之後又有得玩呢塊布，小豆超開心，同老師一齊唱ABC歌同Twinkle twinkle little star唱得超大聲。

之後就要佢地自己著返鞋，老師同我講小豆今日好乖呀，佢仲同英文老師讚小豆" She is doing very good today"。雖然唔係讚D特別野，但係起碼在老師心目中，都係一個可以乖到的小朋友啦。 

跟住排隊洗手然後食茶點，之後要坐定等聽故事，可能老師見小豆坐得定，好似好專心咁，所以個故事其中一個主角係叫左做小豆個名（我話好似好專心咁，因為我睇到小豆個樣，其實應該係眼訓，所以眼定定發呆中。。。wakakaXDDD)... 

兩日小豆都係一放學就訓著左，遲D自己搭車都擔心佢搭車中眼訓，唔知點算好....

跟住。。。唉，五點幾同小豆沖涼，個身好似熱熱地咁，幫佢探熱38.5度，嗱嗱聲落去睇醫生。。。人地話返學易病姐，唔駛咁快掛。。。咁快聽日就要第一次請病假 。。。

戒片大作戰（二）

一個星期過去，我諗小豆算戒片成功掛～～
Day 3 開始，小豆訓晏覺話唔要著片wor, 咁我見佢之前兩日訓醒晏覺條片都係乾ge, 咁就訓之前同佢去一次先，鋪多張床墊就由得佢唔著片訓，一起身就去 wee wee 先，咁多日都無瀨濕過。至於日頭佢都習慣左會停低唔玩住，急就要去左先，但係有一兩次行得慢得滯瀨左，咁佢瀨左就又同佢講一番道理先幫佢換。小豆好搞笑，行去廁所時，佢會講 “左扭扭右扭扭，唔係瀨左就弊啦”，可能我成日同佢講呢本書，佢學埋我講啦～：）

出街佢都會叫去廁所，不過暫時都仲著片先，萬一去唔切都唔會呢咁hea... 同埋宜家開始o係街明明呢頭去完，o個頭又話要去洗手間洗手lor...=_=

戒片大作戰尚算成功，但小豆仍需努力吧～

戒片大作戰（一）

其實想幫小豆戒片好耐ga la, poo poo 就成功左好耐，想去會出聲叫我地帶佢去廁所去的，不過wee wee 未得。之前有間唔中試下唔俾佢著片，但係一瀨濕我就會幫佢著番片，因為要抹實在好煩。遲D小豆開始返學，本新生手冊話要小朋友自己懂得上洗手間大小便，雖然老師話未得的話，書包內帶定片片就得，但係可以的話我都想快D幫佢戒左佢， 始終成日“UP”住唔係幾舒服。其實之前婆婆都想幫小豆戒片的，奈何一個湊兩個真係好難搞，所以唯有等我唔駛返工，擇左尋日帶丫be 去佢屋企住幾日，等我可以專心幫小豆戒片。

戒片大作戰
Day 0 (7月29日）
瀨濕次數： 2次
先帶小豆屙左先，之後嘗試唔俾小豆著片，30分鐘至一個鐘問佢一次要唔要去洗手間。因為有去屙過，所以兩次都唔係瀨到成地都係，只係底褲濕左，不過地下無濕。兩次都係玩玩下瀨，同埋係佢屙濕左自己話我知。不過因為細佬仲未過去婆婆屋企，瀨濕兩次後我都係幫佢著返片lu...

Day 1 (7月30日）

瀨濕次數： 0次

屋企：正式開始～～ 唔著片，隔30分鐘至一個鐘問佢一次要唔要去洗手間， 夠一個鐘唔理佢話有無都帶佢去屙 （次次話無，帶佢去屙都有ge.. =_="""), 仲要每次都同佢講D玩具唔會走，你瀨尿就濕晒要洗反而無得玩，媽媽都係去洗手間屙唔會屙落褲度, blah blah blah blah blah.... 係咁洗佢腦， XDDD.... 加埋之前o個晚條片唔知點解漏尿，搞到小豆一起身話要換片先(平時食奶大過天），我仲唔加重藥話D片咁差ge, 唔好著啦。。。

出街：咁啱約左小檬媽o係屋企樓下lunch,膽粗粗出門前同佢去一次，然後唔著片出街，食食下話要去屙，嗱嗱聲同佢跑去廁所，點知係false alarm, 洗完手返去一坐低，又話要去，都係著返條片先，咪左住晒。

有左晏晝的經驗，夜晚都係著返片先出街， 行左幾個鐘佢都無話要去，我都無特別問佢駛唔駛去wee wee.. 不過後來佢突然話要去，雖然有著片，但係我唔想佢confuse, 想佢知道wee wee係要去洗手間屙, 我同佢即刻o係商場怒奔去toilet (好在elements 人少，廁所格數多），小豆仲要一路跑一路講 “嗱嗱聲～嗱嗱聲～” ， 超搞笑， 亦成功去到! ：）

Day 2  (7月31日）

瀨濕次數： 0次

屋企：都係同尋日一樣， 定時提佢去。訓醒晏覺條片都係乾爽的，一起身就帶佢去。諗住聽日開始問少D，睇下佢會唔會出動提出

出街：去屋企附近唔著片，出門口前去一次先，無瀨到。朝早陪我去銀行，返屋企途中話好急，好彩返到屋企樓下商場，又跑跑跑去洗手間，但係去到又無得屙，於是帶佢返屋企，返到去又有wor。。。下晝訓醒先去吉吉島睇下貓，買雞蛋仔，陪我飲杯咖啡，之後返屋企屙完再落街踩單車，成功過關。

夜晚約左爸爸，驚未必隨時搵到洗手間，所以著左片出街。o係地鐵站等緊，佢話好想去，但係附近無洗手間，我唯有叫佢屙落片片度先。之後爸爸到左，佢有叫爸爸帶佢去搵洗手間，但係因為約左人，上到去又唔記得左。之後去左又一城，我問佢係咪想去洗手間（已經過左個幾鐘），佢話係，同佢去時發現條片好似無mud濕到，唔知會唔會係忍尿呢？

綜合呢兩日經驗，唔知小豆係咪鍾意靚D的洗手間，去街都係去D大商場方便D，同埋有心理準備隨時要怒奔去洗手間。。。

btw,... 細佬去左婆婆屋企住，小豆今晚問我細佬返黎未，掛住細佬wor... 咁你快D戒片成功啦～

終於浦頭了

睇返上一篇BLOG已經係7個幾月之前啦，雖然我都有KEEP住睇大家D BLOG，但係我呢個懶人真係好懶寫BLOG 啦。。。好彩我有小檬媽個CONTACT， 上次仲可以同BLOGGER 野餐見下大家 （上次見完大家，我有的起心肝寫左四分一篇BLOG GA，不過結果當然石沉大海啦）

概括下so far 今年大事先：
1。五月我細佬去峇里結婚，一家大細連埋Ar Be搭飛機 (當時佢五個月大）。攰爆，如非必要唔好帶一歲以下小朋友去旅行。

2。正式成為FTM （今日啱啱係FTM一個月），適應中， 無請姐姐， 好忙，希望小豆開始N班後會好D

3。小豆入左心儀幼稚園的N班，希望佢讀得開心。不過好快又要準備K1面試，因為學校今年加左一句，意味住唔一定直升K1。

影左學生相， 愈大愈瘦...





















希望可以keep 住update 個blog, 唔駛佢封塵啦

Happy 2014~

Happy New Year~~
2013年的大事當然係Ar BE成為我地家庭的一份子啦～～佢係12月17日生日GA～～
同小豆一樣，都係比預產期早左一個星期出世，都係見紅先，所以我仲可以他他條條洗頭沖涼坐多陣先去醫院～ ：）詳情唔多講，兩胎都係順產，第二胎我自己覺得痛過第一胎，不過就快D，開到三度入產房，一個鐘多D就生左啦～

湊Newborn開頭辛苦就一定ga la...但係宜家又要湊住小豆，要照顧埋佢ge情緒。。。小豆其實好鍾意細佬，有其他人抱細佬佢都會想我抱番，驚其他人帶走細佬。。。但係始終我成日都要埋身餵細佬或者抱細佬，由第二個禮拜開始我覺得小豆奀皮左好多，細佬食奶佢又要食，唔肯食飯....  宜家唯有有時泵奶出黎俾爸爸餵，我就同佢玩下，好似又好D....
希望小豆快D唔好呷醋啦～～