探索大自然遊學園X動物農莊2015

上年見到朋友去已經覺得好好玩，今年難得獲得余仁生的邀請，小豆勁開心有得去Happy Farm～～

兩姊弟搭機鐵好興奮～

 

首先去左余仁生個小小中醫工作坊～ 小豆著左件袍就起勢「中」... =_="""

                                  弟弟都似模似樣～

 影完相就去D執藥，每人選三款，開頭以為純粹執下玩下，原來係整驅蚊小香包～
小豆攞左艾草，紫蘇，同八角。。原來有驅蚊作用，因為紫蘇我只知用黎蒸大閘蟹，八角可以整牛腩.. 哈哈哈...

有個姐姐教兩位小醫師「中」同磨

 
 弟弟都努力中

 
 細佬好似好開心咁～

 中好之後就放入個小袋中～

 完成！

之後去餵下小動物，不過佢地興趣唔係太大，可能之前都有餵過。。。

 跟住去左烘焙班（其實想上便當班，不過人太多了。。。）

 

呢個滑梯對弟弟黎講好似幾高,又唔俾家長陪，問過工作人員話佢唔驚就得，所以即管俾佢試試。平時細膽的弟弟竟然玩完又玩wor~~~

 自己爬上去～

食完午餐之後就體力勞動啦～ 體驗下平時無咩機會玩ge野～～

由朝早十點幾玩到差不多五點先盡興而歸，加上全程有冷氣，果然係暑假放電好節目:)

試用 - 噓噓樂透氣輕柔紙尿片

第一次收到PR姐姐的邀請，試用Sealer噓噓樂透氣輕柔紙尿片, 本著一試無防的心態就即管試試吧 ~~

我對於尿片的兩大要求，
首要係唔會令BB的屁股仔敏感 ；
第二就係唔好漏尿，特別係小朋友訓覺時係咁郁，漏濕晒要換衫麻煩一件事（夜媽媽要起身真係好麻煩）。。。如果"up" 到第二朝先發現就仲怕佢會冷親。。。咁就仲煩～～

今次弟弟做測試員～～試左一個星期，效果比我想像中要好wor... 

噓噓樂特點:

1. 加倍彈力100%透氣 - 獨有C型環繞, 緊貼寶寶身體曲線, 透氣舒適 
2. 乾爽透氣表層 - 輕柔透氣表層, 乾爽舒適, 呵護寶寶幼嫩肌膚： 訓醒第二朝摸下細佬屁股仔都乾爽wor, 又無敏感無紅，good!!
3. 立體防漏彈性側邊 - 寶寶大腿無勒痕, 舒適自在, 尿尿便便不側漏: 小朋友成日走黎走去，片片緊貼寶寶身體曲線，就唔怕片片移位漏尿啦～
4. 彩色123對位更簡單 - 對位容易, 穿著方便又簡單: 宜家同細佬換片簡直係要爭分奪秒，周圍走，但係如果片片兩邊貼得唔對稱又怕會片片易走位。彩色123設計 就可以嗱嗱聲對準顏色貼好，方便～～
5. 超薄乾爽吸收體 - 藍色超快傳導層, 迅速分散及吸收尿液, 超薄乾爽
6. 尿濕顯示 - 可愛荷葉圖案, 提示媽媽為寶寶更換尿片

加上噓噓樂的價錢比較其他品牌經濟實惠D，以後可以多個選擇啦~~

淘： 過膠機

呢部過膠機都淘左一排 ga la...  不過因為搬屋，一早pack 左入箱無用過。。。
唔知係咪小朋友都鍾意玩貼紙，小豆丫BE都鍾意，但係樣樣買雙份好唔化算，所以我用左以下方法，可以玩完再玩～

首先準備過膠機 －－細細部，幾慳位～

貼紙書 －－搵D係實物圖ge~ 

魔術貼 --  購自12蚊店，魔術貼後面係雙面膠紙，有另一款係要縫的，小心唔好買錯～

將D貼紙貼落膠片後過膠～

魔術貼貼在書同圖形背面～

搞掂！

 又撕又貼仲可以鍛鍊下前二指～

Darren 's first outdoor shooting~

有追開小檬媽blog的都知道，NT哥哥可以話係佢地御用攝影師～偶然見到NT哥哥個blog 話半價試新野，我呢D無業師奶仔仲唔拿拿聲舉手咩～～因為未試過同丫be影outdoor,  所以今次決定只係我同佢兩個去拍拖～

原本諗住10月中去沙灘影，點知丫BE中耳炎，搞到要11月先影得，天氣又突然涼左又有少少雨，所以臨時改左去大帽山影....

 由於丫BE天生天然呆，仲擺明想玩NT哥哥。。。明明呢一刻笑緊，到舉機一刻又呆過。。。NT哥哥話影一個job通常影300張的話，丫BE要影1000張先得。。。=_="""

 影左好多張先有的含蓄微笑～

大笨頭成個波咁，不過呢張相得到NT哥哥青睞，有用黎參加比賽ga~~~